མ་ཤི་གསོན་བྲལ།

• Author(s): ཀླུ་རྒྱལ་དོན་འགྲུབ།,
• Publisher: Library of Tibetan Works and Archives
• Pages: 378
• ISBN_10: 9390752779
  ISBN_13: 9789390752775
  
• Language: bo
• Categories: Art / History / Modern (late 19th Century to 1945) ,

Description:...

༄། ལེའུ་བཅུ་གཉིས་དང་ཟུར་བཀོད་ཚན་པ་དགུ་ལས་གྲུབ་པའི་མི་ཚེའི་ལོ་རྒྱུས་ཀྱི་ཟིན་ཐོ་འདི་ལན་གཅིག་དལ་མོར་ཀློག་རྒྱུ་བྱུང་བའི་བརྒྱུད་རིམ་ལས་གང་ཞིག་ཤོད་འདོད་པ་ནི། བདག་གིས་དུས་རབས་ཉེར་གཅིག་པའི་ནང་བོད་མི་རྣམས་ཀྱིས་རང་གི་མི་ཚེའི་ལོ་རྒྱུས་མང་པོ་བྲིས་པ་ལས་མི་ཉུང་བ་ཞིག་བཀླགས་པའི་ཁོངས་ནས། ད་ལམ་གྱི་དཔེ་དེབ་འདི་ནི་ཚིག་དོན་གཉིས་ཐད་ནས་ཕུན་སུམ་ཚོགས་ཤོས་ཤིག་ཏུ་མཇལ་བྱུང་། དེར་མ་ཟད་མི་ཚེའི་ཉམས་མྱོང་ལས་ཐོན་པའི་ལེགས་བཤད་རྨད་དུ་བྱུང་བའང་ཇི་སྙེད་ཅིག་སྣང་ལ། བོད་གཞིས་བྱེས་གཉིས་ནས་ངེས་པར་དོ་སྣང་བྱེད་དགོས་ས་རྒྱ་ནག་གི་གསང་ལས་པའི་བྱེད་ཐབས་སྐྱུག་བྲོ་བོ་དག་གློག་བརྙན་ལ་བལྟས་པ་བཞིན་གསལ་པོར་འཁོད་ཡོད། དེ་དག་ནི་མཁས་པའི་སྨྲ་བརྗོད་ལྟ་བུ་རྣམ་རྟོག་གིས་རྒྱ་བསྐྱེད་ནས་བསྐྲུན་པ་ཞིག་མ་ཡིན་པར་རང་གིས་དངོས་སུ་མྱངས་ཏེ་བསམ་གཞིག་གི་རྗེས་སུ་རྟོགས་པའི་གནད་དོན་ཞིག་ཡིན་སྟབས་ཡིད་ཆེས་པའི་སློབ་གསོ་རྨད་དུ་བྱུང་བ་ཞིག་ཏུའང་གྱུར་འདུག །དེས་ན་དེབ་འདི་སུས་བཀླགས་ཀྱང་རང་རེའི་གནས་སྟངས་ངོ་མ་ཇི་བཞིན་ཤེས་པ་ལ་ཐུགས་ཕན་གསོས་མིན་ནི་ཐེ་ཚོམ་ཙམ་ཡང་མི་དགོས་པ་ཞིག་གོ །

ན་ག་སངས་རྒྱས་བསྟར་དར།