རྒྱལ་ཁབ་ཤོར་བའི་ཕ་བུའི་བདེ་སྡུག་འབེལ་གཏམ་ལོ་རྒྱུས།

• Author(s): སྒང་པ་བདེ་སྐྱིད་ཕ་ཕུན་ཚོགས། , བུ་ཟླ་བ་རིན་ཆེན།,
• Publisher: Library of Tibetan Works and Archives
• Pages: 232
• Language: bo
• Categories: Biography & Autobiography / General , Biography & Autobiography / Historical ,

Description:...

༈ དེབ་ཕྲེང་ ༣༦ པ་འདིའི་ནང་སྒང་པ་བདེ་སྐྱིད་ཡབ་ཆེན་ཕུན་ཚོགས་ལགས་ནས་གསུངས་པའི་གཙང་གམ་པ་ལྷུན་གྲུབ་རྫོང་ཁོངས་འབྲོག་པ་བྱ་སྒང་པའི་སྔོན་དུས་བྱུང་རབས་ཆགས་དབྱིབས་དང། ལོ་གསར་སོགས་གལ་ཆེའི་དུས་སྟོན། ཁུལ་དེའི་ཁྲལ་བསྡུ་ཁྲིམས་གནོན་དང་ཚོང་འདུས་སྐོར། སོ་ནམ་ཞིང་ལས། གཉེན་སྒྲིག་ཆོ་ག་དང་འབྲེལ་བའི་བཤད་པ་སོགས་ཡུལ་གྱི་གནའ་སྲོལ་བྱ་རིམ་མི་ཉུང་བ་ཞིག་དང་། རྒྱ་དམར་གྱིས་བཙན་འཛུལ་བོད་ས་ཡོངས་རྫོགས་དྲག་གནོན་དབང་བཟུང་གིས་བོད་མི་ནང་ཁུལ་མངའ་བདག་མངའ་ཚབ་དང་། ཞིང་པ་དབུལ་ཕྱུག་སོགས་མིང་འདོགས་དབྱེ་འབྱེད་ཀྱིས་འཐབ་རྩོད་སྐུལ་སློང་སྡུག་སྦྱོང་མནར་གཅོད་བཏང་རིམ། དེ་བཞིན་ཁོར་ཡུག་བརྡལ་བཤིག་དང་རི་སྐྱེས་སྲོག་ཆགས་མང་པོ་སྡེབ་གསོད་ཡུ་མེད་བཏང་སྐོར། རང་ཡུལ་དུ་སྡོད་བཟོད་བྲལ་ཏེ་སྒང་ཏོག་ཏུ་བྲོས་བྱོལ་ཕེབས་ཏེ་ལམ་བཟོ་བརྒྱུགས་པ་དང་། རིམ་པས་སྦེལ་ཀོབ་གཞིས་ཆགས་སུ་གནས་སྤོས་ཐབ་གཞིས་གསར་བཟུང་སོགས་དང་།

སྒང་པ་བདེ་སྐྱིད་བུ་ཟླ་བ་རིན་ཆེན་ལགས་ནས་གསུངས་པའི་རང་ཉིད་སྐྱེས་ཡུལ་དང་། སྦེལ་ཀོབ་གཞིས་ཆགས་སུ་ཕ་མ་གཉིས་དང་ལྷན་དུ་གནས་སྤོས་སློབ་གྲྭར་བསྐྱོད་སྐོར། ཕ་མའི་འཚོ་ཐབས་དཀའ་ངལ་མ་བཟོད་པར་ཚོང་གཡོག་ཏུ་ཕྱིན་པ། དྭང་སློབ་དམག་སྒར་དུ་ཞུགས་ཏེ་དྲག་པོའི་སློབ་སྦྱོང་ཚད་ལྡན་གནང་རྗེས་དྭང་སློབ་དགེ་རྒན་དང་། ༸གོང་ས་མཆོག་གི་སྐུ་སྲུང་ཞབས་ཞུའི་སྐལ་བཟང་གོ་སྐབས་རིམ་ཐོབ། དམག་སྒར་ནས་ལུགས་མཐུན་རྩ་དགོངས་འཁྲོལ་རྗེས་དྷ་སར་ནང་ཆོས་དང་། སྐད་ཡིག རྒྱལ་རབས་སོགས་ལ་མཁས་པའི་མི་སྣ་མང་པོའི་ཞབས་ལ་གཏུགས་ཏེ་རིག་གཞུང་ལ་སྦྱངས་བརྩོན་བྱས་པ། གངས་ལྗོངས་བོད་ཀྱི་འགྲིམ་འགྲུལ་ལས་ཁང་གསར་འཛུགས་ཀྱིས་མཚོན་ཧིན་བོད་མཛའ་འབྲེལ་ཚོགས་པའི་རྒྱུན་ལས་དང་། བོད་རྒྱལ་ཡོངས་རྐང་རྩེད་པོ་ལོའི་རྒྱུན་ལས་སོགས་བཙན་བྱོལ་བོད་མིའི་སྤྱི་ཚོགས་ཁྲོད་སྤྱི་སྨན་ལས་གནས་མང་པོའི་ནང་དང་བས་ཀུན་བླངས་འགན་ཁུར་སྲི་ཞུ་བསྒྲུབས་རིམ་ཉམས་མྱོང་དང་འབྲེལ་བོད་རིགས་ན་གཞོན་ཕོ་མོ་ཡོངས་ལ་ལྷག་བསམ་གཞེན་སྐུལ་བཅས་གསལ་ཡོད།།