༄༅། །མི་ཚེའི་མྱོང་གཏམ་ལོ་རྒྱུས་ཁག་གཅིག

• Author(s): LTWA Oral History Department,
• Publisher: Library of Tibetan Works and Archives
• Pages: 306
• Language: bo
• Categories: Biography & Autobiography / General , Biography & Autobiography / Historical ,

Description:...

དཔེ་དེབ་ཀྱི་ནང་དོན་ངོ་སྤྲོད།

༈ ཚ་སྤྲུལ་ཚང་རྩེ་མགྲོན་བློ་བཟང་རྒྱལ་མཚན་གྱི་སྐུ་ཚེའི་ལོ་རྒྱུས་སྤྱི་དང། གཞུང་ཞབས་ཐེམ་པ་རིམ་འཛེགས་ཀྱིས་སྟོད་ཁུལ་ཁྲལ་བསྡུད། མདོ་སྤྱི་ལྷ་ང་གཉིས་ཀྱི་ལས་བྱ་དང་འབྲེལ་ཆབ་མདོ་ས་ཤོར། ལེགས་བཅོས་ཚོགས་འཐུས། སྨོན་ལམ་དང། སྟག་རྩེ་སྒྲུབ་མཆོད། དགའ་ལྡན་སྟོན་མཆོད། རྒྱ་ནག་ཏུ་ལྟ་སྐོར་མྱོང་ཚོར་དང། ༡༩༥༩ ཚུན་རྒྱ་དམར་གྱི་བཙོན་ཁང་དང་ལས་བསྒྱུར་རྡུང་རྡེག་དཀའ་སྦྱོང། རྒྱ་གར་ནང་གཉེན་འཕྲད་དང་ཆོས་ཞུ་ཉམས་ལེན་གནང་རིམ་སྐོར། སྐུ་ཞབས་ཀརྨ་གྲགས་པ་ལགས་ཀྱི་སྐུ་ཚེའི་ལོ་རྒྱུས་སྤྱི་དང། རྒྱ་དམར་བོད་སར་འབྱོར་ཚུན་རང་ཡུལ་ནས་ཐོན་ཏེ་བོད་ས་ཡས་མས་སུ་གནས་སྐོར་ཕེབས་རིམ། བཙན་བྱོལ་དུ་ཕེབས་ཞོར་ཀོང་འབྲི་པདྨ་བཀོད་སོགས་རྩ་ཆེའི་གནས་དགོན་མཇལ་བསྐྱོད་ཀྱིས་གྲུབ་ཐོབ་རྣལ་འབྱོར་གྱི་ཞལ་མཇལ་གསུང་ཐོས། རྒྱ་གར་མི་ས་མ་རི་དང། སིམ་ལ་ལམ་བཟོ། དྷ་སར་སླེབས་ཚུན་བོད་གཞུང་དང་དམིགས་བསལ་བོད་ཀྱི་དཔེ་མཛོད་ཁང་དུ་ཞབས་འདེགས་མཐའ་འཁྱོངས་སྒྲུབ་སྐོར། ཀ་གཞི་སྨད་ངག་དབང་སྦྱིན་པ་ལགས་ཀྱི་འཁྲུངས་གཞིས་དང་བསླབ་པ་སློབ་གཉེར་སོགས་སྐུ་ཚེའི་ལོ་རྒྱུས་སྤྱི་དང། གཞིས་བྱེས་གཉིས་སུ་གཞུང་སའི་བཀོད་དོན་དང་འབྲེལ་ལས་འགན་ཇི་ཞུས། བྱེས་འབྱོར་རིག་གཞུང་སྡེ་ཚན་ཁག་ཏུ་བོད་རིག་པའི་སློབ་ཁྲིད་དང། གསུང་རྩོམ། ཕབ་སྒྱུར་སོགས་གནང་རིགས། དེ་བཞིན་རྐ་ཕུག་སྦྱིན་པ་རྒྱ་མཚོ་ལགས་ཀྱི་སྐུ་ཚེའི་ལོ་རྒྱུས་སྤྱི་དང། ལྷ་སར་རྒྱ་དམར་གྱིས་ཟིང་འཁྲུག་བསླང་པར་གདོང་ལེན་གྱིས་ལྷོ་ཁ་ཁུལ་དགྲ་བོར་འཐབ་འཛིང། རྒྱ་གར་དུ་སླེབས་རྗེས་སྦག་ས་དང། ཝ་རཱ་ཎཱ་སི། གདན་ས་གྲྭ་ཚང་དུ་ལས་ཁུར་དང། བོད་གཞུང་ཤེས་དཔར་ཁང་དུ་སྲི་ཞུ་མཁའ་འཁྱོངས་སྒྲུབ་སྐོར། སྤུ་ཧྲེང་བསམ་གྲུབ་ལགས་ནས་གནང་བའི་སྟོད་མངའ་རིས་སྤུ་ཧྲེང་གི་ཡུལ་དགོན་ཆགས་རབས་དང། འཁོར་ཆགས་ཇོ་བོ་སོགས་རྟེན་གཙོ་བྱིན་ཅན་གྱི་ངོ་མཚར་ལོ་རྒྱུས། ས་བབས་མཐོ་དམའ། ཞིང་འབྲོག་གི་ཐོན་སྐྱེད་མངའ་ཐང། ཚོང་འབྲེལ། སྐྱེས་ཡུལ་ཁྱིམ་གཞིས་དང་འབྲེལ་བའི་གཞིས་བྱེས་གཉིས་ཀྱི་རང་གི་ལོ་རྒྱུས་ངོ་སྤྲོད་བཅས་གསལ་ཡོད།།