Kagadaga Veligina Kshanam

నిండా పాతికేళ్ళు నిండకుండానే పోలీసుల బూటకపు ఎన్ కౌంటర్లో మరణించిన ఎమ్.ఎస్.ఆర్. డైరీలోని తన రచనలన్నీ కలిపి "కాగడాగా వెలిగిన క్షణం" పేరుతో విరసం నవంబర్ 1992 లో ప్రచురించిందీ పుస్తకం. ఇది ఒక చేగువేరా డైరీ, భగత్ సింగ్ డైరీ లాంటిదే. తను కలిసిన కార్మికుల గురించి చదువుకున్న పుస్తకాల గురించి, చూసిన సినిమాల గురించి కవిత్వంతో పాటుగా రాసుకున్న ఓ విప్లవ యోధుని డైరీ. 22 ఏళ్ళకే లేలేత ప్రాయంలో ఇంజినీరింగ్ చదువును మధ్యలో వదిలి వచ్చి విప్లవ కార్యకర్తగ పూర్తికాలం కార్మికోద్యమంలో పనిచేసిన శ్రీనివాసరావు ఉరఫ్ కరుణాకర్ ఉరఫ్ ప్రభాకర్ ని బొల్లారం దగ్గర ఇంకో మిత్రునితో పట్టుకుని సెప్టెంబర్ 3, 1992న రాజ్యం తనని పాశవికంగా చిత్రహింసల పాల్జేసి హత్యచేసింది. పిరికిపందలా తన పేరుని కాని, ఊరుని కానీ ప్రకటించకుండా కనీసం ప్రాధమికంగా పోస్టుమార్టం కూడా నిర్వహించకుండా ఏం చేసారో తెలీకుండా మాయం చేసింది. అంతలా ఉద్యమానికి ఊపిర్లూది సిటీ కార్మికోద్యమానికి వెన్ను దన్నుగా పనిచేసిన ఈ శీను మనసు తన కవితలలో ఇలా మనముందు వుంచుతాడు.